Xəbərlər

Şəki KOBİM-in təşkilatçılığı ilə “Ünsiyyət bacarıqları” mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 21-də Şəki KOBİM-in təşkilatçılığı ilə “Ünsiyyət bacarıqları” mövzusunda növbəti təlim keçirilib. 5 iştirakçının qatıldığı təlimdə Şəki KOBİM-in təlimçi-eksperti iştirakçılara jest və mimikaların ünsiyyətdəki rolu, bədən dilinin oxunması və düzgün istifadəsi, qeyri-şifahi ünsiyyətin mesajın təsirinə təsiri barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.