Xəbərlər

Şəki KOBİM-in təşkilatçılığı ilə “Turizmdə yaşıl iqtisadiyyatın rolu” mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 26-da Şəki KOBİM-in təşkilatçılığı ilə “Turizmdə yaşıl iqtisadiyyatın rolu” mövzusunda növbəti təlim keçirilib. 5 iştirakçının qatıldığı təlimdə Şəki KOBİM-in təlimçi-eksperti iştirakçılara yaşıl iqtisadiyyatın konsepsiyası və əsas prinsipləri, ekoloji dayanıqlığın turizm sektorunda əhəmiyyəti, yaşıl iqtisadiyyatın qlobal turizmə təsiri barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.