Xəbərlər

Şəki KOBİM-in təşkilatçılığı ilə " Turizm sahəsində innovativ yanaşmalar" mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 19-da Şəki KOBİM-in təşkilatçılığı ilə " Turizm sahəsində innovativ yanaşmalar" mövzusunda növbəti təlim keçirilib. 7 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara sektorun inkişaf istiqamətləri, yeni texnologiyalar və strateji idarəetmə bacarıqları barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.