Xəbərlər

Şəki KOBİM-in təşkilatçılığı ilə “Stresin idarə edilməsi” mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 7-də Şəki KOBİM-in təşkilatçılığı ilə “Stresin idarə edilməsi” mövzusunda növbəti təlim keçirilib. 6 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara stresin yaranma səbəbləri, fərdi və peşəkar həyatda təsirləri, eləcə də effektiv stress idarəetmə texnikaları barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.