Xəbərlər

Şəki KOBİM-in təşkilatçılığı ilə “Soft skills-bədən dili" mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 26-da Şəki KOBİM-in təşkilatçılığı ilə “Soft skills-bədən dili" mövzusunda növbəti təlim keçirilib. 5 iştirakçının qatıldığı təlimdə Şəki KOBİM-in təlimçi-eksperti iştirakçılara bədən dilinin ünsiyyətdəki rolu, ilk təəssüratın müsbət olması üçün tövsiyələr, üz ifadələri və emosiyaların düzgün ifadə olunması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.