Xəbərlər

Şəki KOBİM-in təşkilatçılığı ilə “Satışın üstünlükləri” mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 29-da Şəki KOBİM-in təşkilatçılığı ilə “Satışın üstünlükləri” mövzusunda növbəti təlim keçirilib. 6 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara satışın planlaşdırılması və mərhələləri, müştəri ehtiyaclarının analizi və uyğun məhsul/hidmət təklifi, satışda inandırıcılıq və effektiv ünsiyyət bacarıqları barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.