Xəbərlər

Şəki KOBİM-in təşkilatçılığı ilə " Rəqəmsal iqtisadiyyat" mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 30-da Şəki KOBİM-in təşkilatçılığı ilə " Rəqəmsal iqtisadiyyat" mövzusunda növbəti təlim keçirilib. 7 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara rəqəmsal iqtisadiyyatın anlayışı və tərkibi, rəqəmsal iqtisadiyyatda innovasiyanın rolu barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.