Xəbərlər

Şəki KOBİM-in təşkilatçılığı ilə " Regional inkişafda yaşıl iqtisadiyyatın rolu" mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 20-də Şəki KOBİM-in təşkilatçılığı ilə " Regional inkişafda yaşıl iqtisadiyyatın rolu" mövzusunda növbəti təlim keçirilib. 4 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara regionların iqtisadi inkişafı üçün yaşıl iqtisadiyyatın önəmi, yaşıl iqtisadiyyatın ekoloji, sosial və iqtisadi təsirləri, regionlar üçün yaşıl iqtisadiyyat modelləri barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.