Xəbərlər

Şəki KOBİM-in təşkilatçılığı ilə növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 18-də Şəki KOBİM-in təşkilatçılığı ilə " Kənd təsərrüfatında yaşıl iqtisadiyyatın əhəmiyyətliliyi" mövzusunda növbəti təlim keçirilib. 7 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara davamlı inkişaf anlayışı və onun əhəmiyyəti, kənd təsərrüfatının davamlı inkişafı mövzusunda bilik və bacarıqlar qazandırmaq, kənd təsərrüfatının davamlı iqtisadiyyatda rolu barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.