Xəbərlər

Şəki KOBİM-in təşkilatçılığı ilə " Mühasibat uçotunun təşkili" mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 23-də Şəki KOBİM-in təşkilatçılığı ilə " Mühasibat uçotunun təşkili" mövzusunda növbəti təlim keçirilib. 5 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara mühasibat uçotunun prinsipləri, mühasibat uçotunun strukturu və funksiyaları, mühasibat uçotu növləri barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.