Xəbərlər

Şəki KOBİM-in təşkilatçılığı ilə “Məhsulun bazarda irəlilədilməsi qaydaları” mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 11-də Şəki KOBİM-in təşkilatçılığı ilə “Məhsulun bazarda irəlilədilməsi qaydaları” mövzusunda növbəti təlim keçirilib. 6 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara məhsulun bazara çıxarılması və uğurlu şəkildə irəlilədilməsi üçün strategiyaların qurulması, müştəri bazasının genişləndirilməsi və rəqabət mühitində fərqlilik yaratma üsulları barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.