Xəbərlər

Şəki KOBİM-in təşkilatçılığı ilə “İnsan resurslarının layihə idarəetməsində rolu” mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 21-də Şəki KOBİM-in təşkilatçılığı ilə “İnsan resurslarının layihə idarəetməsində rolu” mövzusunda növbəti təlim keçirilib. 9 iştirakçının qatıldığı təlimdə Şəki KOBİM-in təlimçi-eksperti iştirakçılara layihə idarəetməsinin əsas komponentləri və insan resurslarının rolu, layihə komandasının təşkili və strukturunun qurulması, insan resurslarının layihə menecmenti ilə əlaqəsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.