Xəbərlər

Şəki KOBİM-in təşkilatçılığı ilə " İnsan resurslarının layihə idarəetməsində rolu" mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 28-də Şəki KOBİM-in təşkilatçılığı ilə " İnsan resurslarının layihə idarəetməsində rolu" mövzusunda növbəti təlim keçirilib. 11 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara insan resurslarının layihə idarəetməsində rolu və təsiri, layihə komandalarının təşkili və idarə olunması, kadrların bacarıqlarının və potensialının qiymətləndirilməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.