Xəbərlər

Şəki KOBİM-in təşkilatçılığı ilə " İnsan resurslarının layihə idarəetməsində rolu" mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 27-də Şəki KOBİM-in təşkilatçılığı ilə " İnsan resurslarının layihə idarəetməsində rolu" mövzusunda növbəti təlim keçirilib. 8 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara İnsan resurslarının layihə idarəetməsində rolu və əhəmiyyəti, layihədə insan resurslarının planlaşdırılması və strateji idarə olunması, komandanın idarə edilməsi və effektiv komanda qurma prinsipləri barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.