Xəbərlər

Şəki KOBİM-in təşkilatçılığı ilə " İnsan resurslarının layihə idarəetməsində rolu" mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 17-də Şəki KOBİM-in təşkilatçılığı ilə " İnsan resurslarının layihə idarəetməsində rolu" mövzusunda növbəti təlim keçirilib. 6 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara layihələrin uğurlu icrasında insan resurslarının effektiv idarə olunmasının əhəmiyyəti, liderliyin layihə komandalarına təsiri, layihə zamanı işçi heyətinin dəstəklənməsi və inkişafı barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.