Xəbərlər

Şəki KOBİM-in təşkilatçılığı ilə “Digital marketinq” mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 9-da Şəki KOBİM-in təşkilatçılığı ilə “Digital marketinq” mövzusunda növbəti təlim keçirilib. 6 iştirakçının qatıldığı təlimdə Şəki KOBİM-in təlimçi-eksperti iştirakçılara rəqəmsal mühitdə biznesin inkişafı, brendləşməsi və hədəf auditoriyaya effektiv çatmaq üçün nəzərdə tutulmuş strategiyaları barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.