Xəbərlər

Şəki KOBİM-in “Təchizat zənciri nədir və hansı prosesləri əhatə edir” mövzusunda növbəti təlim keçirilib.

Şəki KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 30-də Şəki KOBİM-in təşkilatçılığı ilə “Təchizat zənciri nədir və hansı prosesləri əhatə edir” mövzusunda növbəti təlim keçirilib. 7 iştirakçının qatıldığı təlimdə Şəki KOBİM-in təlimçi-eksperti tərəfindən iştirakçılara təchizat zəncirində potensial risklər və onların təsnifatı, risklərin müəyyən edilməsi, analizi və idarə olunması, çevik təchizat zəncirinin qurulması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Şəki KOBİM tərəfindən göstərilən bütün xidmətlər ödənişsizdir.