ÜLKƏR MƏLİKOVA

Məlikova Ülkər Mustafa qızı 16.01.1991-ci ildə Azərbaycan, Masallı rayonu, Gəyəçöl kəndində anadan olmuşdur. O, 1998-2008-ci illərdə əsasən Rusiya Federasiyasında orta məktəbdə təhsil almış və 2008-ci ildə Sabunçu rayonu, Bakixanov qəsəbəsində yerləşən 107 nömrəli orda məktəbi bitirmişdir. Həmin ildə Bakı Dövlət Universitetinin Hüquq fakultəsinə daxil olaraq, 2013-cü ildə bakalavr pilləsi üzrə təhsilini bitirmiş və 2013-2015-ci illərdə həmin universitetin Hüquq fakultəsi, Konstitusiya hüququ kafedrasında (Dövlət hüququ ixtisası üzrə) təhsil alaraq fərqlənmə diplomu ilə maqistr dərəcəsini almağa nail olmuşdur. 2019-cu ildə təhsilini davam etdirmək qərarına gələrək, Bakı Dövlət Universitetinin “Mülki-prosessual hüquq və kommersiya hüququ” kafedrasına “Sahibkarlıq hüququ” ixtisası üzrə Doktorantura pilləsinə daxil olmuşdur və hal-hazırda Fəlsəfə üzrə hüquq elmləri namizədidir.

2015-ci ildə “Bank of Baku” ASC-də Korporativ hüquq departamentində hüquqşünas kimi çalışmağa başlamış və 2017-ci ilin iyul ayına kimi orada çalışaraq bir mütəxəssis kimi bank rəhbərliyi tərəfindən də rəğbət  qazanmışdır. Daha sonra beynəlxalq Holdinq şirkəti olan “Avropa Hüquq Xidməti”–ndə hüquqşünas vəzifəsində çalışmağa başlamışdır və cari tarixədək həmin şirkətdə çalışmağa davam edərək, 3 il ərzində ardıcıl olaraq Aparıcı korporativ hüquqşünas / Baş korporativ hüquqşünas / Layihələr üzrə rəhbər vəzifələrini tutaraq, hal-hazırda “Avropa Hüquq Xidməti”-nin Direktor müavini vəzifəsini icra etməkdədir.

2017-ci ildən tədris fəaliyyətinə başlayaraq, həmin vaxtdan indiyə kimi Bakı Dövlət Universitetinin Hüquq fakultəsində “SABAH” Qruplarında müəllimdir, həmçinin Azərbaycan İqtisad Universitetinin (UNEC) Biznes məktəbində (MBA) “Biznes hüququ” üzrə müəllimdir.